O pai, o tractor e os tres fillos.

Era un pai con tres fillos que comprou un tractor. O fillo maior díxolle ao seu pai:

--Se me compraras un coche!. Todos os rapaces coma min teñen coche...

Díxolle o pai:

--Mentres no se pague o tractor non se compra nada.

Despois o fillo do medio preguntoulle ao papá:

--Se me comprases unha moto!. Todos os rapaces coma min teñen moto.

Respondeulle seu pai:

-- Mentres non se pague o tractor non se compra nada.

Máis tarde, o fillo pequeno pediulle ao seu pai unha bicicleta:

--Todos os nenos coma min teñen bicicleta!

O pai contestoulle:

--Mentres non se pague o tractor non se compra nada.

O neno saiu para fóra enfadado viu ao galo encima dunha galiña.

Pegoulle unha patada ao galo e dixo:

--Xa dixo meu pai que mentres non se pague o tractor todos a pé.

Recollido por Jorge Corredoira

Contado por María Busto (75 anos). 

A Cerdeira (Nodar)